Սիրով Հնդկաստանից.
տարածվող խարդախություն
|
|
|
Երբևէ ստացե՞լ եք էլեկտրոնային նամակ, որը չափազանց լավն էր իրական լինելու համար։ Գուցե՞ առաջարկ, որը խոստանում էր մեծ գումարներ նվազագույն աշխատանքի դիմաց, կամ հնարավորություն, որ թվում է հանկարծակի հայտնվեց։ Եթե այո, ապա հավանաբար հանդիպել եք խաբեբայի։
Ահա խաբեբայական էլեկտրոնային նամակի տիպիկ կառուցվածքը և ինչպես պաշտպանվել թվային խաբեբաներից։
Խաբեբայական էլեկտրոնային նամակի նախանշանները
Պատկերացրեք, որ մի առավոտ բացում եք ձեր էլեկտրոնային փոստարկղը և գտնում նման հաղորդագրություն (թարգմանություն անգլերենից).
Թեմա: Հետաքրքիր բիզնես հնարավորություն Daya Jewelry-ի հետ
---------------------------
Բարև Ձեզ, Անահիտ,
Ցանկանում եմ Ձեզ հաճելի առավոտ։
Daya Jewelry-ն ստեղծվել է Հնդկաստանով մեկ մի ճամփորդությունից, որտեղ մենք ոգեշնչվեցինք ավանդական արհեստագործության գեղեցկությամբ։ Մեր ճամփորդության ընթացքում հանդիպեցինք Պուշկարից մի արվեստագետի և տեսանք տարբերություն մտցնելու հնարավորություն։
Մենք վճեցինք ստեղծել բիզնես, որը կօգնի կարիքավոր համայնքներին, միաժամանակ զորացնելով և բուժելով մեր հաճախորդներին զարդերով, որոնք ներառում են բուժիչ բյուրեղներ և խորհրդանիշներ։
Տարածեք բարություն և կարեկցանք զարդերի միջոցով։
Կայք: daya-jewelry.com
Մեր մարքեթինգային արշավը սոցիալական մեդիա հարթակներում կկենտրոնանա այս շուկայի վրա և կսկսվի 2024 թվականի օգոստոսի 1-ից և կտևի 1 տարի։ Ակնկալվող ամսական բյուջեն մոտավորապես 7,000 ԱՄՆ դոլար է (ճշգրտվում է յուրաքանչյուր անգամ)՝ հետևյալ արդյունքներին հասնելու ակնկալիքով.
- Սեղմումների գործակից (CTR). Աճ մոտ 1-1.2%
- Կոնվերսիայի գործակից. Ցանկալի նպատակ. 2% - 3%
- Ձեռքբերման արժեք (CPA). Ցանկալի գին. $10-$30
- Գովազդային ծախսերի հատույց (ROAS). 2։1 - 3։1
- Լիդերի գեներացման արժեք. Ցանկալի արժեքը մեկ լիդի համար. $5 - $25
- Հետ վերադարձի գործակից. 26% - 40%
Որպեսզի ավելի լավ հասկանաք մեր բյուջեն և ապրանքները, ես կուղարկեմ դրանք ձեզ ստորև, խնդրում եմ տեսնել ամբողջական տարբերակը՝ օգտագործելով գաղտնաբառը. daya Ներբեռնել արշավի ամփոփագիրը
[Արշավի ամփոփագրի հղում. անհրաժեշտ է ներբեռնել .zip ֆայլ, բացել այն օգտագործելով նշված գաղտնաբառը և ձերփազաել վիրուսակիր փաթերը ձեր համակարգչում: Բանն այն է, որ վիրուսների բազմաթիվ տեսակներ արդեն հայտնաբերվում և վնասազերծվում են բրաուզերների և համակարգիչների կողմից, բացառությամ դեպքերի, երբ ֆայլը պաշտպանված է գաղտնաբառով]:
Մենք կվճարենք ձեզ 2 ձևով.
- Ֆիքսված ամսական. $4000-$8000 + KPI բոնուս (կանխավճարը հասանելի կլինի պայմանագիրը ստորագրելու համաձայնությունից հետո)։
- Տարեկան ընդհանուր բյուջեի 15%-ը կամ 10-15%՝ յուրաքանչյուր ավարտված պատվերի համար։ (Բոլոր վճարումները կկատարվեն PayPal-ի կամ այլ պետության կողմից հաստատված վճարային հարթակների միջոցով):
Մենք պետք է կարճ զրույց ունենայինք՝ ներկայացնելու ձեր և մեր ընկերությունները։ Սակայն, ժամանակի սղության պատճառով, մենք կցանկանայինք բաց թողնել որոշ քայլեր։ Խնդրում եմ քննարկել ձեր մարքեթինգային թիմի հետ՝ պատրաստելու օպտիմալացված պլան մեր տրամադրած բյուջեի համար։ Կարծում եմ, որ այս պլանը ամենաճշգրիտ և հստակ ներկայացումն է ձեզ համար։ [Ուշադրությունը սևեռվում են առաջադրանքի վրա, որի մանրամասները իմանալու համար, անհրաժեշտ է բացել ուղարկված ֆայլը]:
Ձեր դիմումը ստանալուց հետո մենք կուսումնասիրենք և կպատասխանենք 1-2 օրվա ընթացքում։ Եթե ձեր պլանը հարմար է, մենք կկապվենք ձեզ հետ։
Հարգանքներով,
Ինչու է այս էլեկտրոնային նամակը խաբեություն
- Չափազանց լավ իրական լինելու համար. Բարձր փոխհատուցումը և հեշտ վաստակը դասական խայծ են։ $4000-$8000 ամսական խոստումը նվազագույն աշխատանքի դիմաց հսկայական կարմիր դրոշ է։ Սովորաբար վերոնշյալ նամակը հետևում է ավելի ընդհանուր բնույթի էլ.նամակի, որտեղ փորձ է արվում ավելի աստիճանաբար ներկայացնել առաջարկը, ավելի քիչ կասկածների առիթ տալու նպատակով։ Օրինակ.
Էլ.Նամակ
2024-07-11 17:07-ին, +374 488-898 գրել է.
Անուն. Էմիլիա Մուր
Հեռախոս. +374(07) 488-898
Էլ. փոստ. emilia@daya-jewelryz.com
Կայք.daya-jewelry.com
Հաղորդագրություն.
Մեզ անհրաժեշտ է ձեր աջակցությունը PPC ծառայությունների համար այս շուկայում։ Խնդրում ենք կապվել էլ. փոստով. emilia@daya-jewelryz.com և Skype-ով. +447360543399
2. Հրատապություն և ճնշում. Խաբեբաները հաճախ ճնշում են գործադրում արագ որոշումներ կայացնելու համար։ Այստեղ նրանք խնդրում են անմիջապես պատասխանել և արագ պլան կազմել։
3. Չխնդրած կցումմեր/հղումներ. Էլեկտրոնային նամակը ներառում է Dropbox հղում՝ ֆայլ ներբեռնելու համար՝ օգտագործելով գաղտնաբառ։ Սա վնասակար ծրագրեր կամ ֆիշինգի փորձեր առաքելու տարածված եղանակ է։
4. Ընդհանրական բովանդակություն. Էլեկտրոնային նամակը լի է աբստրակտ տերմիններով և չունի կոնկրետ մանրամասներ ստացողի կամ նրա բիզնեսի մասին։ Իրական բիզնես առաջարկները սովորաբար անհատականացված են։
5. Անհամապատասխան կոնտակտային տվյալներ. Օրինական ընկերությունները տրամադրում են ստուգելի կոնտակտային տվյալներ։ Այս էլեկտրոնային նամակը չունի այդպի
Ինչպես պաշտպանվել խաբեբաներից
- Ստուգեք աղբյուրը. Միշտ անկախ կերպով հետազոտեք ընկերությունը։ Փնտրեք պաշտոնական կայքեր և կոնտակտային տվյալներ։
- Մի սեղմեք հղումների վրա կամ ներբեռնեք ֆայլեր. Խուսափեք չպահանջված հղումների վրա սեղմելուց կամ անծանոթ ուղարկողներից ֆայլեր ներբեռնելուց։
- Կասկածամիտ եղեք բարձր պարգևատրումների նկատմամբ. Եթե առաջարկը թվում է չափազանց լավը, որպեսզի իրական լինի, հավանաբար այդպես էլ կա։ Վստահեք ձեր բնազդին։
- Փնտրեք կարմիր դրոշներ. Ստուգեք վատ քերականությունը, ընդհանրական բովանդակությունը և հրատապ պահանջները։ Սրանք տարածված են խաբեբայական էլեկտրոնային նամակներում։ Սակայն վերջերս, ԱԻ-ի զարգացման հետ, քերականությունը դառնում է ավելի ու ավելի քիչ ցուցիչ։
Եղեք ապահով, եղեք տեղեկացված
Խաբեբաները դառնում են ավելի խորամանկ, բայց զգոնությամբ և կասկածամտությամբ դուք կարող եք մեկ քայլ առաջ լինել նրանցից։ Միշտ կրկնակի ստուգեք առաջարկները և երկու անգամ մտածեք՝ նախքան չխմդրած էլեկտրոնային նամակների հիման վրա գործելը։ Մնացեք ապահով և պահեք ձեր փոստարկղը զերծ խաբեություններից։
Kitboga
Շատերը այժմ ճանաչում են խաբեբաների ձեռագիրը և դադարում պատասխանել նրանց նամակներին։ Սակայն գտնվում են և այնպիսինները, ովքեր որոշում են դաս տալ խաբեբաներին։ Այդպիսին է Kitboga անունով ինտերնետային մի անձնավորություն։ Kitboga-ի տատիկը խաբեբաների զոհ էր դարձել։ Նա ստացել էր էլեկտրոնային նամակ, որը տեղեկացնում էր, որ իր հաշիվից հաջողությամբ գանձվել է կլորիկ գումար ինչ-որ ապրանքի առաքման համար: Նամակը նաև տեղեկացնում էր, որ եթե գնումը նամակի հասցեատիրոջ կողմից չէր կատարված, անհապաղ կապվել ընկերության հետ գործարքը չեղյալ հայտրարելու համար: Ոչինչ չկասկածող տատիկը այդպես էլ արեց և զանգահարեց ընկերություն՝ ընկնելով խաբեբաների ձեռքը, քանի որ էլեկտրոնային նամակը ուղարկված էր նրանց կողմից և ոչ մի բանկային գանձում չկար։
Այնուհետև խաբեբաները ձևացնում են թե չեղյալ են հայտարարել գործարքը և վերադարձրել գումարը հաշվի վրա, բայց պատահաբար փոխանցել են ավելի շատ քան պետք էր (սովորաբար մեկ կամ երկու զրով), և խնդրում են վերադարձնել տարբերությունը «ընկերությանը»։ Սովորաբար տարբերությունը հազարավոր դոլարներ է կազմում։
Kitboga-ն կապ է հաստատում նման խաբենաների հետ, բայց չի շտապում կատարել նրանց պահանջները: Դիտեք, թե ինչպես է ձևացնում, թե տարեց կին է և զրուցում հերթական խաբեբայի հետ՝
Այսպիսով իմանալով նախանշանները՝ կարող եք խուսափել խաբեբայական նամակների զոհ դառնալուց։ Վերջերս հանդիպե՞լ եք խաբեբայական էլեկտրոնային նամակների։ Կիսվեք փորձով մեկնաբանություններում, և օգնենք միմյանց մնալ ապահով։
Հ.Գ.
Այլ օնլայն սպառնալիքների մասին կարող եք կարդալ այստեղ՝
l DDoS հարձակում,
l
XSS հարձակում,
l Coupondo,
l Clickjacking:
|
