Վնասակար
տեխնոլոգիաներ.
Կուպոնդո  

    Բովանդակություն

  •  Coupondo վարակի նշաններ
  •  Coupondo-ն հեռացնելու ուղիներ

Coupondo-ն բրաուզերի ընդլայնում է՝ օգտատերերին չարտոնացված գովազդներ ցուցադրելու համար: Վնասաբեր ծրագիրը սովորաբար անվճար ներբեռնվող ծրագրերի մաս է կազմում: Երբ ծրագիրը տեղադրվում են լռելյայն (default-ով), առաջարկվում են մի շարք լրացուցիչ մոդուլներ, որոնք ներառում են Coupondo-ն: Առաջարկը մերժելով՝ կարելի է խուսափել ավելորդ խնդիրներից, հակառակ դեպքում ստիպված կլինեք դրանց լուծման ուղիներ փնտրել։

      Coupondo վարակի նշաններ

Coupondo ծրագրի օպերացիոն համակարգ ներթափանցելու  նշաններից է բոլոր կայքերում համառորեն հայտնվող գովազդները: Վարակման մյուս ախտանիշն է, երբ բրաուզերը վերահասցավորում է այցելուին մեկ այլ կայք գովազդ դիտելու համար: Եվս մեկ կուպոնդո վարակի արտահայտման ձև է, երբ առաջին իսկ բացված էջը բրաուզերի գործարկումից հետո ձեզ անծանոթ, սովորաբար գովազդային առաջարկներ պարունակող էջ է:

Այս դեպքում անհրաժեշտ է համակարգչի կարգավորումների մեջ փնտրել Coupondo.dll կամ պարզապես Coupondo ֆայլը:

     Coupondo-ն հեռացնելու ուղիներ

Եթե վնասակար ծրագիրը հայտնաբերվել է, անհրաժեշտ է այն հեռացնել: Ցանկության դեպքում ցանցում կարելի է գտնել բազմաթիվ օնլայն սկաներներ վնասաբեր ծրագիրը հայտնաբերելու համար: Երբեմն ծրագրի հեռացումը բարդանում է: Այդ դեպքում կարելի է ծրագիրը հեռացնել ձեռքով՝

  •  Windows 8. "Control Panel" – "Programs and Features" – Coupondo – "Uninstall" :

  •  Windows 7/Vista. "Start" – "Control Panel" – "Programs and Features" – Coupondo – "Delete":

  •  Windows XP. "Start" – "Control Panel" – "Add/Remove programs" – Coupondo – "Uninstall":

  •  Mac OS. "Transition" – "Applications" – Coupondo – "Move to trash" – "Clear":

  •  Internet Explorer. "Settings" – "Configure add–ons" - "Toolbars and extensions" – Coupondo – "Disable":

  •  Google Chrome. "Հասցեի բար" – chrome://extensions/ – որոնում Coupondo ցուցակում – աղբարկղի պատկերակ - ջնջման հաստատում:

  •  Mozilla Firefox. "Հասցեի բար" - about: addons – "Extensions" – Coupondo - "Uninstall":

  •  Safari. "Settings" – "Extensions" – Coupondo - "Uninstall":

Ծրագիրը հեռացնելուց հետո անհրաժեշտ է վերականգնել բրաուզերի պարամետրերը: Եթե ցուցակներում անհնար է հայտնաբերել վնասաբեր ծրագրեր, ազատվեք բոլոր կասկածելի ֆայլերից և ծրագրերից: Ծրագիրը հեռացնելուց հետո գործարկեք համակարգչի հակավիրուսային ծրագիրը և համոզվեք, որ սպառնալիքն ամբողջությամբ վերացված է: