Յանդեքս.Դիրեքթ Գովազդ
=============
Բովանդակություն
1. Վիճակագրական վերլուծություն
2. Ռազմավարություններ
3. Վիրտուալ այցեքարտ
4. Բանալի բառեր
5. Հայտարարության վերնագիր և բովանդակություն
6. Թիրախավորում
7. Հղումներ
Յանդեքս.Դիրեքթ (Yandex.Direct) — որոնման գովազդի մասնագիտացված ծառայություն:
Ռունետում որոնման գովազդի համակարգի պաշտոնական թողարկումն իրականացվել է 2001թ., իր մրցակիցներից` Google AdWords-ից և Rambler-ի Begun համակարգից մեկ տարի շուտ: Յանդեքս.Դիրեքթը համատեքստային գովազդի առաջատար համակարգերից է: Յուրաքանչյուր օր ավելի քան 22 միլիոն օգտվող տեսնում են Դիրեքթ գովազդը:
Յանդեքս.Դիրեքթի առանձնահատկությունների թվին են դասվում կարգավորումների թափանցիկությունը և կարճ ժամկետներում ու նվազ ծախսերով սեփական թիրախային լսարանի ձևավորումը:
Համատեքստային հայտարարությունները տեղադրվում են Յանդեքս որոնման արդյունքներում և Յանդեքսի գործընկերային ցանցի հարթակներում (партнерские сайты):
Յանդեքս.Դիրեքթ համակարգում գովազդատուները վճարում են միայն գովազդից անցումների համար, հայտարարությունների ընդհանուր ցուցադրման քանակը չի հաշվարկվում: Համակարգում կարելի է սահմանել PR-արշավի համար սեփական բյուջեն: Գովազդատուն ընտրում է վճարման ցանկացած ձև. բանկային քարտեր (Visa և EuroCard/MasterCard), Yandex.Money, Qiwi կամ Webmoney տերմինալների միջոցով և բանկային չեքերով վճարումներ, SMS-ի միջոցով և անկանխիկ գանձումներ: Համատեքստային գովազդի հետ աշխատանքը Համակարգում իրականացվում է հետևյալ ուղղություններով:
Վիճակագրական վերլուծություն
Հարցումների վերլուծությունը կօգնի իմանալ օգտատերերի նախասիրությունները և նրանց կարիքը տվյալ գովազդի նկատմամբ:
Ռազմավարություններ
Գովազդատուն կարող է ընտրել երկու ռազմավարություն.
1. «օգտվողների արագ ներգավում» - այցելուների հոսքի արագ աճ,
2. «շաբաթական բյուջեի բաշխված բաժանում» - բյուջեի գումարի շաբաթական հավասար բաժանում:
Ռազմավարությունները հնարավորություն են տալիս վերլուծել գովազդի տեղադրման հարթակները և ընտրել ամենայն հավանականությամբ ընդունելիները` կախված դրանց արժեքից: Ռազմավարությունների միջոցով կարելի է նաև կանխատեսել կայքի թիրախային լսարանի թվաքանակը:
Վիրտուալ այցեքարտ
Ոչ բոլոր ընկերություններն ունեն պատրաստի ինտերնետ կայք, ուստի Յանդեքս.Դիրեքթ համակարգը առաջարկում է «Վիրտուալ այցեքարտ» ծառայությունը, որն լրացվում է կոնտակտային տեղեկատվությամբ (հասցե, հեռախոս): Եթե սեղմենք այդպիսի այցեքարտին, կհայտնվի մանրամասն տեղեկատվությունը (ընկերության աշխատաժամերը, ճանապարհի սխեման և նման մանրամասներ):
Բանալի բառեր
Դժվար է միաժամանակ առաջնորդվել հսկայական քանակությամբ հիմնարար բառերով, ուստի Յանդեքս.Դիրեքթ-ը առաջարկում է «Խորհուրդներ» ծառայությունը, որի միջոցով կարելի է աշխատել բազմաթիվ հիմնարար ֆրազների հետ և ունենալ բարձր թրաֆիկ:
Հայտարարության վերնագիր և բովանդակություն
Հայտարարության վերնագրում անհրաժեշտ է նշել այն հարցումը, որով օգտվողը տեսականորեն կարող է դիմել որոնման համակարգին: Գովազդային հայտարարության հիմնական մասը նվիրված է փոխվող ապրանքների, ծառայությունների և խթանվող ապրանքի առավելությունների անվանացանկին:
Թիրախավորում
Յանդեքս.Դիրեքթ համակարգում կարելի է ընտրել աշխարհագրական և ժամանակային թիրախավորումներ: Աշխարհագրական թիրախավորումն ենթադրում է գովազդի ցուցադրում այն օգտվողներին, ովքեր ապրում են որոշակի տարածաշրջանում կամ շրջանում, իսկ ժամանակային`համատեքստային գովազդի ցուցադրման ժամանակահատվածը, օրինակ, աշխատանքային օրերին կամ հանգստյան օրերին, ողջ օրվա ընթացքում կամ միայն գիշերը և այլն:
Հղումներ
------
* https://direct.yandex.ru
|
