|
Բովանդակություն
• Ինչ են պոպ-ապ պատուհանները
• Պոպ-ապ գովազդների տեսակները
• Ճիշտ պոպապի առանձնահատկությունները
• Ինչպիսի՞ն պետք է լինի պոպ-ապ պատուհանը
Պոպ-ապ պատուհանը գովազդի տեսակ է կամ վեբկայքում ուշադրություն գրավելու միջոց, որն ուղղված է վաճառքի ավելացմանը կամ թրաֆիկը լիդերի վերածելուն: Ամենից հաճախ պատուհանները գործարկվում են JavaScript տեխնոլոգիայի միջոցով, և երբեմն դրա համար օգտագործվում է Adobe Flash-ը:
Պոպապ պատուհանները կամ այլ կերպ բացվող պատուհանները իսկապես կարող են օգնել գրավել թիրախային լսարանի ուշադրությունը և վերածել այցելությունները վաճառքների, ինչը հաստատվում է բազմաթիվ գործնական քեյսերով:
Բայց պետք է հասկանաք, որ պոպ-ապները կախարդական գործիք չեն վաճառքի ավելացման և կայքի այցլուների վարքագծային գործոնները բարելավելու համար:
Պոպապների գործարկման սխալները հանգեցնում են նրան, որ մարդու մոտ կարող է առաջանալ ջղագրգվածություն կայք այցելելուց: Ընդ որում, վերջին սցենարն ավելի հաճախ է նկատվում, քան դրական արդյունք։ Սա չի նշանակում, որ պետք է դադարեցնեք պոպ-ապ էլեմետների օգտագործումը: Կարևոր է ամենից առաջ հասկանալ դրանց առանձնահատկությունները և ճիշտ ինտեգրման սկզբունքները:
Պոպապ պատուհանների տեսակները
Ժամանակակից ինտերնետային մարքեթինգում գոյություն ունեն երկու տեսակի պոպ-ապներ.
hello-board (ողջույնի ցուցանակ). Ընդգրկում է էկրանի տեսանելի տարածքի մի փոքր մասը, ընդ որում կայքի ֆունկցիոնալությունը գործնականում չի կրճատվում: Օգտատերերի կողմից անտեսվելու հնարավորության պատճառով այն չունի փոխգործակցությունը խթանելու ամենաբարձր ունակությունը, բայց առաջացնում է նվազագույն գրգռում:
page-stop (ստոպ էջ). Ծածկում է գրեթե ամբողջ էկրանը կամ ամբողջությամբ արգելափակում է էջի հետ հետագա փոխգործակցության հնարավորությունը։ Այցելուն կարող է կատարել միայն թիրախային գործողությունը կամ փակել կայքի էջը ամբողջությամբ: Բնութագրվում է ավելի հաճախակի բացասական արձագանքով և բավականաչափ բարձր թիրախային գործողության կատարմամբ:
Չպետք է մոռանալ նաև, որ պոպապները անհատական ազդեցության գործիք են: Օրինակ, անկախ պոպապ պատուհանի տեսակից, կարող եք ակնկալել օգտվողի բացասական արձագանք, եթե պատուհանը հուշում է գրանցում նրանց, ովքեր արդեն ավարտել են այս ընթացակարգը: Հետևաբար պետք է մանրակրկիտ պլանավորել ում է ցույց տրվելու գովազդը, երբ և ինչ տեսքով:
Ճիշտ պոպապի առանձնահատկությունները
Կայքում պոպ-ապ պատուհաններ օգտագործելու արվեստում կարևոր է շուկայավարի կարողությունը խելամտորեն ընտրել բացվող պատուհանի տեքստը, ձևը ու պահը: Իդեալական դեպքում, հաղորդագրությունը պետք է ունենա հզոր մոտիվացնող էֆեկտ՝ նվազագույն նյարդայնացնող ազդեցությամբ: Պատուհանի նյարդայնացնող ազդեցությունից խուսափելու համար հարկավոր չէ այն ցույց տալ էջ մուտք գործելուց անմիջապես հետո:
Ենթադրվում է, որ մարդուն բովանդակությունը սկզբնապես ընկալելու համար անհրաժեշտ է 30-ից 90 վայրկյան, և միայն դրանից հետո այցելուն կարող է ունենալ հարցեր կամ ավելի մանրակրկիտ ինֆորմացիա ստանալու ցանկություն: Pop-up-ի հայտնվելու օպտիմալ ժամանակը որոշվում է պրակտիկորեն օգտագործելով Ա/Բ թեստավորում և վերլուծություն:
Օրինակ բացվող պատուհանները, որոնք ցուցադրվում են այն բանից հետո, երբ օգտվողը դիտել է էջի բովանդակության 40-70%-ը, ավելի լավ են ընկալվում: Այցելուի նման վարքագծից բխում է, որ նա հետաքրքրված է բովանդակությամբ, ուստի բացվող պատուհանի տեսքը, ամենայն հավանականությամբ, չի նյարդայնացնի նրան:
Pop-up պատուհանները ճիշտ կիրառման դեպքում դրական ազդեցություն են ունենում SEO-ի վրա ևս: Օրինակ բացվող պատուհան կարելի է գործարկել այն ժամանակ, երբ այցելուն պատրաստվում է լքել կայքը: Այդ դեպքում կայքը լքելու մտադրությունը կդրսևորվի մկնիկի շարժումով, ուղված փակելու կոճակին: Պոպ ալգորիթմը, որը կապված է կայքից դուրս գալու փորձի հետ, պրակտիկայում լավ արդյունքներ է ցույց տալիս:
Բարդ ալգորիթմներն ընդունակ են որոշել՝ օգտատերը փորձում է լքել էջը, թե պարզապես շարժվում է կայքի ներդիրների միջև, դա օգնում է խուսափել պատուհանի կրկնօրինակ ցուցադրումներից, ինչը խիստ կարևոր է:
Ինչպիսի՞ն պետք է լինի պոպ-ապ պատուհանը
Ինչպես նշեցինք, կարևոր դեր է խաղում ոչ միայն pop-up էլեմենտի հայտնվելու պահը, այլև դրա բովանդակությունը: Օպտիմալ բացվող պաուհանի դիզայնը բնութագրվում է.
•
ներդաշնակ գունային գամմա,
•
հստակ վերնագիր և մոտիվացիոն ուղերձ,
• լրացվելիք ձևանմուշի ամենապարզ հնարավոր ձև:
Պետք է նաև ասել, որ արդյունավետ պոպ-ապը այն է, որն արդյունք է մշտական փորձարկումների և դրանց արդյունքների վերլուծության։
|
