Գուգլ Քարտեզներ
 Google Maps  

Բովանդակություն

 •  Google Maps-ի ձևավորումը և հնարավորությունները
 •  Ռեժիմներ և գործառույթներ
 •  Ինչպես գրանցվել Google Maps-ում
 •  Google Maps-ի նշանակությունը SEO առաջխաղացման համար
 •  Հղումներ

Google Maps-ը Google-ի անվճար քարտեզագրության ծառայության և տեխնոլոգիաների հիման վրա ստեղծված հավելվածների փաթեթ է: Այս հավելվածը օգտագործվում է քարտեզի վրա տեղեկատվության, տեսարժան վայրերի, կազմակերպությունների և նման որոնման համար:

Google Maps-ի ձևավորումը և հնարավորությունները

Ծառայությունն առաջարկում է հետևյալ ցուցադրման ռեժիմները.

«Արբանյակ» - արբանյակային և ավիացիոն լուսանկարների ցուցադրում (ներառյալ «Օբյեկտների անվանումներ» - առկա տվյալների ցուցադրում քարտեզների վրա: Այս ռեժիմը մինչ այդ կոչվում էր «Հիբրիդ»):
«Քարտեզ» - քարտեզագրական տվյալների ցուցադրում:
«Լանդշաֆտ» - երկրային մակերևույթի խոշոր տարրերը, ինչպիսիք են անտառները կամ բլուրները, ցուցադրող սխեմաներ (սխեմատիկ 3D-ռելիեֆ):
«Փողոցի դիտում» - ռեժիմ, որը թույլ է տալիս կողմնորոշվել քաղաքային փողոցների պանորամային լուսանկարների հիման վրա:
«Անձնական սխեմաներ» - անձնական ռեժիմ, որի միջոցով կարելի է քարտեզի վրա նշել անհրաժեշտ բովանդակությունը:

Google Maps-ի միջոցով օգտատերը կարող է.

 •  դիտել հետաքրքրող տեղադիրքերը քարտեզի վրա.
 •  բացել KML և KMZ ընդարձակումներով ֆայլեր, ինչպես նաև  •  պահպանել անհրաժեշտ պիտակները այդ ֆորմատներով.
 •  կառուցել երթուղի.
 •  ավելացնել անձնական տեքստ, նկարներ և տեսանյութեր.
 •  ուղարկել ստեղծված սխեման ընկերներին:

Ռեժիմներ և գործառույթներ

Google Transit ռեժիմը մանրամասն ցուցումներ է տալիս երկու նշված կետերի միջև երթուղու վերաբերյալ հասանելի հասարակական տրանսպորտի միջոցով և մոտավորապես հաշվարկում է, թե որքան ժամանակ կպահանջվի: Ա

Օգտատերը կարող է էլեկտրոնային փոստով ուղարկել իր գտնվելու վայրը ցույց տվող հղում կամ տեղադրել Google-ի քարտեզի HTML-կոդը վեբ-կայքի վրա: Google Maps-ում նաև առկա է քարտեզի տպման համար գեներատոր:

Ներկառուցված են կազմակերպությունների որոնման արդյունքները - կազմակերպությունների հասցեների և հեռախոսահամարների որոնում ընտրված շրջանում: Օրինակ, եթե մուտքագրեք «սուշի Աբովյան փողոցի մոտակայքում» հարցումը, տեղական կոորդինատների համակարգում կնշվեն մոտակա օբյեկտների տեղադիրքերը, դրանց հասցեները, աշխատանքի ժամերը: Կարելի է նաև դիտել լրացուցիչ տեղեկություններ, ինչպիսիք են վճարման ձևերը, վարկանիշը, հաճախորդների կարծիքները և այլն:

Քարտեզներում առկա է Map Maker գործառույթը (ավելի վաղ դա առանձին ծառայություն էր), որը թույլ է տալիս փոփոխել բովանդակությունը սեփական տեղեկատվությամբ:

Ինչպես գրանցվել Google Maps-ում

Եթե ձեզ անհրաժեշտ է ավելացնել ընկերությունը քարտեզներում, որը ունի ֆիզիկական ներկայություն, նախապես այն պետք է գրանցվի «Google My Business»-ում: Դա անելու համար անհրաժեշտ է ստեղծել Google հաշիվ: Մուտք գործելուց հետո անցեք «Քարտեզներ» բաժին, այնուհետև անցեք տրամադրված հղումով և լրացրեք ձևաթուղթը:

Առաջին քայլը - «Հիմնական տեղեկություններ» բաժին.

 •  նշեք երկիրը.
 •  գրեք ընկերության անվանումը.
 •  մուտքագրեք փոստային ինդեքսը.
 •  տրամադրեք հասցեն.
 •  նշեք աշխատանքային հեռախոսահամարը և էլեկտրոնային փոստի հասցեն.
 •  մուտքագրեք ընկերության վեբ-կայքի URL-ը (առկայության դեպքում).
 •  տրամադրեք կարճ նկարագրություն (ոչ ավելի, քան 200 նշան).
 •  տեղադրեք ընկերությունը համապատասխան կատեգորիայի մեջ.
 •  նշեք խանութի, գրասենյակի կամ ներկայացուցչության  •  աշխատանքային ժամերը.
 •  մուտքագրեք վճարման հասանելի ձևերը.
 •  տրամադրեք լրացուցիչ տեղեկություններ:

Կարելի է ավելացնել ընկերության նկարներ, տեսանյութեր և այլ տեղեկություններ (գրասենյակի մոտ ավտոկայանատեղի, հաճախորդների համար մատուցվող ծառայությունների ցանկ և այլն): Վերջին կետում սովորաբար մուտքագրում են որոնման օպտիմիզացիայի համար ընտրված հարցումներ Google-ում:

Երկրորդ քայլը - ծանուցման ընտրություն` ստեղծված նոր հաշվի մասին SMS-ով, հեռախոսազանգով կամ էլեկտրոնային փոստով (ԱՊՀ երկրներում կարելի է օգտագործել միայն առաջին տարբերակը): Անհրաժեշտ է ճիշտ նշել հեռախոսահամարը, քանի որ հաղորդագրության մեջ կգտնվի պրոֆիլի ակտիվացման համար անհրաժեշտ գաղտնաբառը:

Google Maps-ի նշանակությունը SEO առաջխաղացման համար

Google Maps-ը ամբողջությամբ անվճար է: Սակայն կա սահմանափակում. տեղական որոնման մեջ ցուցադրվում է միայն 7 ընկերություն, որոնք առաջարկում են համանման ապրանքներ/ծառայություններ:

Դասակարգման գործոնները «Google քարտեզներում»`

 •  ընկերության մասին «Google My Business»-ում ներկայացված տեղեկատվության կատարելիությունը.
 •  որոնման հարցումներ և կատեգորիա պարունակող ընկերության անվանում.
 •  կազմակերպության իրական հասցեն լուսաբանող <adress></adress> պիտակներով ունեցող վեբ-կայք.
դրական կարծիքներ.
 •  ծանոթագրություններում հետաքրքիր տեղեկություններ.
 •  Google Ads համատեքստային գովազդի միացում.
 •  ներկայություն Google Earth-ում:

Հղումներ` https://www.google.ru/maps