Գովազդ Գուգլում -
Google Ads  

   
Բովանդակություն

 •  Թիրախավորում Google Ads - ում
 •  Գովազդի խմբագրման կանոններ
 •  Գովազդային խմբերի ստեղծում
 •  Բանալի բառեր
 •  Հաշվետվություններ
 •  Համապատասխանության պարամետրեր
 •  Ադապտացվող մեդիա գովազդներ
      • Գովազդի ստեղծում
 •  «Խելացի քարոզարշավներ»
 •  Գովազդային քարոզարշավի ձեռքով կարգավորում
 •  Ինչպես վճարել գովազդի համար

Google Ads (Գուգլ Էդս, նախկինում՝ Google AdWords  (Գուգլ Էվորդս), - Գուգլ որոնման համակարգի համաշխարհային հայտնի գովազդային համակարգ է, ստեղծված 2002 թ.-ին:

Google Ads համակարգով աշխատելու համար ապագա գովազդատուներին անհրաժեշտ է ստեղծել անձնական հաշիվ Google-ում՝ գրանցելով այն իրենց էլեկտրոնային փոստի հասցեով, որով աշխատելու են Գուգլ գովազդների հետ:

Այսօր Google Ads համակարգը հանդիսանում է Գուգլի հիմնական շահույթ բերող և ակտիվորեն զարգացող ծրագիրը, որի մեջ ներկառուցված է նաև սերտիֆիկացման ուսումնական կենտրոնը, որը նախատեսված է Google Ads-ի հետ աշխատանքի և հետագա վկայագրմանը վերաբերող հարցերին:

Թիրախավորում Google Ads - ում

Google Google Ads-ում ներկառուցված են լեզվային և աշխարհագրական թիրախավորման միջոցներ, որոնք պատասխանատու են հետաքրքրված հաճախորդների որոնման համար՝ կախված նրանց ազգությունից կամ գտնվելու վայրից:

Գովազդի խմբագրման կանոններ

Google Ads համակարգում գովազդային հայտարարությունների նկարագրության գործընթացը դյուրացնելու համար մշակվել են խմբագրական կանոններ, որոնք հնարավորություն են տալիս հաճախորդներին նշել առաջարկվող ծառայությունների և ապրանքների առավելությունները:

Գովազդային խմբերի ստեղծում

Google Ads համակարգում օգտատերը կարող է դասակարգել գովազդի տարբերակները խմբերի: Որորնման արդյունքների ցուցադրման ժամանակ այդ տարբերակները կցուցադրվեն և կօպտիմալացվեն ելնելով արդյունավետությունից և լսարանի վրա ներգործությունից. ամենաշատ պահանջված գովազդային հայտարարությունները կցուցադրվեն ավելի հաճախ, իսկ ամենաքիչ պահանջվածները՝ ավելի սահմանափակ:

Բանալի բառեր

Google Ads համակարգում բանալի բառերի ընտրության համար պատասխանատու է հուշումների թարմացվող գործիքների բազան, որը թույլ է տալիս բեռնել բանալի բառեր *.csv ֆորմատով ֆայլից, կատարել բանալի բառերի տեսակավորում՝ ելնելով դրանց օգտագործման հաճախականությունից, ցուցադրման արդյունավետությունից, գնից և նման ցուցանիշներից, ինչն էլ էականորեն պարզեցնում է բանալի բառերի հետ աշխատանքը:

Ծառայությունը նաև պարբերաբար թարմացվող վիճակագրական հաշվետվություններ է տրամադրում:

Հաշվետվություններ

Վիճակագրական տվյալները հավաքվում հետևյալ մակարդակներով՝

1) բանալի արտահայտություններ,
2) գովազդային խմբեր,
3) ծրագրեր,
4) գովազդային քարոզարշավներ:

Համապատասխանության պարամետրեր

Օգտագործողի կարիքներից ելնելով՝ լինի դա քլիքի արժեքի (CPC) թե 1000 ցուցադրության արժեքի (CPM) նվազեցում, ներդրումների եկամտաբերության բարձրացում թե ցուցադրությունների քանակի բարձրացում, սերվիսում կարելի է փոփոխել բանալի բառերի համապատասխանության պարամետրերը: Կարելի է առանձնացնել համապատասխանության հետևյալ տիպերը՝

1) լայն համապատասխանություն (սահմանված է ինքնաշխատ): Օրինակ, եթե բանալի բառը պարունակում է «սպորտային կոշիկներ» արտահայտությունը, ապա գովազդը կցուցադրվի, երբ օգտագործողը որոնումում կգրի «սպորտային», և երբ կգրի «կոշիկներ» բառը: Այլ բառերի հետ համադրումը և բառերի դասավորությունը չեն հաշվարկվում:

2) արտահայտության համապատասխանություն: Այս դեպքում բառը պետք է տեղադրել չակերտների մեջ: Գովազդային հայտարարությունը կցուցադրվի միայն ֆիքսված բառերի հերթականությամբ՝ «սպորտային կոշիկներ»: Այն նաև կցուցադրվի «մոդայիկ սպորտային կոշիկներ» հարցման դեպքում, բայց ոչ այն դեպքում, երբ փոխվում է բառերի հերթականությունը, օրինակ՝ «կոշիկներ սպորտային Ադիդաս»:

3) ճշգրիտ համապատասխանություն: Արտահայտությունը տեղադրվում է քառակուսի փակագծերի մեջ: Ամենակոնկրետ համապատասխանությունը: Այսպես, եթե օգտագործողը մուտքագրի [սպորտային կոշիկներ], ապա կցուցադրվի գովազդ՝ «սպորտային կոշիկներ», այսինքն՝ չպետք է օգտագործվեն այլ բառեր - «մոդայիկ սպորտային կոշիկներ» հարցումը չի գործի:

4) մինուս բառեր: Մինուս բառերի նշանակման դեպքում գովազդային հայտարարությունները կարճվում են և չեն ցուցադրվում արդյունքների մեջ: Եթե ընտրված լինի «սպորտային կոշիկներ մոդայիկ» բանալի բառը, ապա «մոդայիկ սպորտային կոշիկներ» հարցման դեպքում հայտարարությունը չի ցուցադրվի:

Ադապտացվող մեդիա գովազդներ

Նոր պլատֆորմի սերնդի մշակման ժամանակ ընկերությունն առանձնահատուկ ուշադրություն է դարձրել արհեստական բանականության, մեքենային ուսուցման և ԱՆՑ (արհեստական նեյրոնային ցանց) զարգացմանը: Շնորհիվ դրա համակարգը կարող է ընտրել կոնկրետ օգտագործողի համար մատչելի գովազդ, ինչը հանգեցնում է ավելի մեծ արձագանքի և գովազդային քարոզարշավների արդյունավետության բարձրացմանը:

Գովազդի ստեղծում

Գովազդատուն մշակում է 5 վերնագիր, 5 գովազդային տեքստ և ընտրում մինչև 15 պատկեր: Մի քանի օրվա ընթացքում համակարգը փորձարկում է այդ համադրությունները և նշում, թե որն է առաջացնում ավելի մեծ արձագանք մարդկանց մոտ: Գովազդի օպտիմալ տարբերակը ընտրվում է՝ ելնելով մարդու տարիքից, սեռից, գտնվելու վայրից, սովորություններից և նման գործոններից: Արդյունքում տարբեր օգտատերեր, մեկ և նույն հարցումն անելով, տեսնում են տարբեր տեքստեր: Այդպես յուրաքանչյուր գովազդի արդյունավետությունը աճում է, քարոզարշավի ծախսերը նվազում են, իսկ ինտերնետում առաջխաղացման հասույթները ավելանում:

Արդիականացված ալգորիթմները օգնում են ավելացնել փոխարկումները (կոնվերսիա) 10-15%-ով՝ առանց գովազդային քարոզարշավի բյուջեի փոփոխման: Յուրաքանչյուր օբյեկտի արդյունավետության մասին կարելի է դատել Google Ads-ում "Գովազդներ և ընդլայնումներ" բաժնի ներքո տեղադրված աղյուսակում՝ "Դիտել օբյեկտի մանրամասներ": Աղյուսակում երևում է, թե ներկայացված վերնագրերից, նկարագրություններից և պատկերներից որոնք առաջացնում են ավելի մեծ արձագանք, իսկ որոնք՝ ավելի փոքր: Հատկապես անաարդյունավետ լինելու դեպքում գովազդը կարելի է փոխարինել: Ադապտացվող մեդիա գովազդների օգնությամբ կարելի է 3 անգամ ավելացնել վաճառքը, ինչը ապացուցել է Ճապոնական Rakuten Travel ընկերությունը:

«Խելացի քարոզարշավներ»

«Խելացի քարոզարշավներ» - Google Ads նոր բրենդի ներքո իրականացված առաջին ավտոմատացված նորարարությունն է: Այն ընդգրկում է մոբայլ սարքերից և համակարգիչներից օգտվող մարդկանց: Այն մշակված է փոքր բիզնես սեփականատերերի համար՝ պարզեցնելու համար գովազդային հայտարարությունների տեղադրման գործընթացը և արագացնելու այն (միջինում քարոզարշավի կարգավորմանը ծախսվում է մի քանի րոպե): Հենց դա է պատճառը, որ նման եղանակը նախապատվությամբ առաջարկվում է բոլոր նոր օգտագործողներին:

Գրեթե բոլոր գործողությունները կատարվում են առանց մարդկային ներգրավման: Այսպես, ավտոմատացված են.

գովազդի ստեղծումը. Հարմարվող մեդիա գովազդները ստեղծվում են գովազդատուի կողմից բեռնված վերնագրերից, նկարագրություններից, պատկերներից և համապատասխանում են գրեթե ցանկացած տեղադրման վայրի համար Google Display -մեդիա ցանցում.
թիրախավորման կարգավորումը. Գովազդը ավտոմատ ավելի հաճախ ցուցադրվում է այնտեղ, որտեղ ավելի շատ են արձագանքում դրան (վերաթիրախավորման համար նույնպես արդիական).
դրույքաչափերի նշանակումը. Դրույքաչափերը օպտիմիզացվում են անմիջապես աճուրդի ընթացքում, երբ օգտագործողը նշել է օրվա բյուջեն և նպատակային փոխարկման (կոնվերսիա) գինը, ինչը դարձնում է գովազդային ներդրումները առավել շահութաբեր:

Համակարգը միտված է փոխարկումների թվի ավելացմանը: Եթե այն հաշվի, որ նպատակային գործողության հավանականությունը բարձր է, ապա ավտոմատ կբարձրացնի դրույքաչափը, իսկ եթե ցածր է՝ կպակասեցնի: Միևնույն ժամանակ Google Ads-ը հաշվի է առնում այն ապրանքը կամ ծառայությունը, որը կգովազդվի, և մարքեթինգային մասնագետի կողմից դրված նպատակը:

Քարոզարշավի նպատակներն ընդգրկում են հեռախոսազանգերը, կայքի այցելությունները և գործողությունները «Google Քարտեզներում»:

Որպեսզի գործարկվի «խելացի քարոզարշավը», գովազդատուն պետք է գործարկի կոնվերսիաների մոնիտորինգը: Ինչպես նաև վերջին ամսվա ընթացքում պետք է գրանցված լինի առնվազն 50 կոնվերսիա կոնտեքստուալ-մեդիա ցանցում կամ 100 կոնվերսիա որոնման համակարգերում:

Հետաքրքրական է, որ գովազդատուին պետք չի փնտրել որոնել որոնման հարցումներ, համակարգն ինքն է ցուցադրում համապատասխան արտահայտությունների և կայքերի ցանկ, որտեղ կարող է հայտնվել հայտարարությունը:

«Խելացի քարոզարշավները» ոչ միայն նվազեցնում և օպտիմիզանում են ժամանակային ու ֆինանսական ծախսերը, այլև ազատում են գովազդատուներին տարբեր ձևաչափերով մի քանի հայտարարություն ստեղծելու անհրաժեշտությունից: Դրանք նաև բացառում են մարդկային գործոնով պայմանավորված սխալները:

Գովազդային քարոզարշավի ձեռքով կարգավորում

Իսկ եթե գովազդատուն նախընտրում է ինքնուրույն վերահսկել քարոզարշավը, կարող է այն կարգավորել դասական եղանակով՝ ձեռքով: Այդ դեպքում նրան բացվում են.

* դրույքաչափերի նշանակման,
* թիրախավորման և ցուցադրման եղանակի կարգավորման,
* գովազդի տեսակի փոփոխման,
* որոշակի սարքերի համար նախատեսված քարոզարշավների ընտրության (օրինակ՝ միայն մոբայլ սարքերի համար) հնարավորությունները:

Ինչպես վճարել գովազդի համար

Google Ads-ում վճարումն իրականացվում է բանկային քարտերի, բանկային փոխանցումների կամ էլեկտրոնային վճարումների (PayPal, Yandex.Money կամ WebMoney) միջոցով: Ռուսաստանում, օրինակ, հաճախորդներն օգտվում են համակարգի ծառայություններից բացառապես ռուբլիով:

Հղումներ՝ * https://ads.google.com