Յանդեքս Մետրիկա
Yandex Metrica  

Յանդեքս.Մետրիկա
--------------------------

Բովանդակություն

 •  Ինչի՞ համար է անհրաժեշտ Yandex.Metrica-ն
 •  Աշխատանքի սկզբունքը
 •  Ինչպե՞ս տեղադրել Yandex.Metrica-ն կայքում
 •  Ինտերֆեյսը
 •  Ինչ կարելի է տեսնել Yandex.Metrica-ում
 •  Հղումներ

Yandex.Metrica-ն կամ Յանդեքս անալիտիկան Յանդեքս որոնման համակարգի կողմից տրամադրվող կայքի այցելուների հաշվառման և վերլուծության ծառայությունն է: Դրա միջոցով կարելի է ստանալ այցելուների գործողությունների մանրամասն հաշվետվություններ, տեղեկություններ տրաֆիկի աղբյուրների մասին և ինքնուրույն եզրակացություններ անել կայքի արդյունավետության մասին: Յանդեքս անալիտիկան ինտեգրված է նաև այնպիսի ծառայությունների հետ, ինչպիսիք են Յանդեքս Մարկետը և Յանդեքս Դիրեկտը:

Ինչի՞ համար է անհրաժեշտ Yandex.Metrika-ն

Յանդեքսի անալիտիկան օգտագործվում է որպես կայքի այցելուների և նրանց գործողությունների գնահատման գործիք: Բացի այդ, Մեթրիկան կարող է ստուգել կայքի գործունեությունը և հասանելիությունը, և եթե խնդիրներ առաջանան, սեփականատերը ստանում է SMS ծանուցում։

Ծառայությունը հնարավորություն է տալիս՝

 • մանրամասն վերլուծել կայքին եկող տրաֆիկը տարբեր աղբյուրներից,

 • գտնել տեխնիկական սխալները օպտիմալացման մեջ,

 • ստեղծել անհատական վերլուծություն («Հաշվետվություններ» գործառույթ) Համակարգի կողմից հավաքված տվյալների հիման վրա,

 • մանրամասն վերլուծել օգտատերերի գործողությունները կայքի էջերում, այդ թվում՝ առանձին այցերի տեսանյութեր,

 • գնահատել շուկայական և գովազդային արշավների արդյունավետությունը,

 • առանձնացնել թիրախային լսարանի (ТA) տարբեր բնութագրերը և շատ նման պարամետրեր:

Yandex.Metrica-ն ընդհանուր առմամբ թույլ է տալիս արդյունավետորեն իրականացնել կայքի զարգացման և առաջխաղացման աշխատանքները, օպտիմալացնել գովազդային բյուջեն և նույնիսկ բարեփոխել ապրանքը՝ վեբ-կայքում թիրախային լսարանի վարքագծի վերաբերյալ տվյալների հիման վրա:

Աշխատանքի սկզբունքը

Այս վերլուծական գործիքից օգտվելու համար անհրաժեշտ է տեղադրել հաշվիչ կոդը կայքում՝ ծառայության կողմից ստեղծված բանալին էջերի կոդում գրելով: Երբ այցելուները կատարում են գործողություններ կայքի էջերում, հաշվիչը փոխանցում է այդ մասին տեղեկություն Yandex.Metrica-ին: Այսպիսով, Մեթրիկային ստեղծվում է տվյալների պահեստ, որտեղ գրանցվում է կայքի այցելուների և գործողությունների վերաբերյալ տեղեկություններն այն պահից, երբ տեղադրվում է հաշվիչը:

Ինչպե՞ս տեղադրել Yandex.Metrica-ն կայքում

Նույնականացում: Եթե դեռ Ձեզ հաշիվ չկա, գրանցվեք և անցեք Yandex.Metrica-ի էջ։

Հաշվիչի ստեղծում: Սեղմեք «Ավելացնել հաշվիչ» կոճակը:

Անհրաժեշտ է անպայման լրացնել բացված էջի բոլոր դաշտերը. «Հաշվիչի անվանումը» և «Կայքի հասցե»: Միաժամանակ խորհուրդ է տրվում նշել «Վեբվիզոր, ոլորման քարտեզ, ձևերի վերլուծություն» կետերը:

նկ. Յանդեք հաշվիչի կոդի կարգավորում

Հաշվիչի տեղադրում: «Կարգավորում» բաժնում անցեք «Հաշվիչի կոդ» ներդիրը: Պատճենեք HTML-կոդը և տեղադրեք այն Ձեր կայքի բոլոր էջերում: Ամենաշահավետ դիրքը ճիշտ տվյալների հավաքագրման համար – էջի սկիզբն է:

նկ. Յանդեք Մեթրիկայի հաշվիչի կոդ

Ինտերֆեյսը

«Ամփոփում»-ը Yandex.Metrica-ի հիմնական էջն է, որը բացվում է հաշվիչ մուտք գործելիս: Այստեղ ներկայացված են հիմնական վիճակագրական տվյալները՝ այցելուների քանակը և տարիքը, նրանց դասակարգումը (նոր կամ բոլորը), տրաֆիկի աղբյուրները, հրաժարումների քանակը, դիտման խորությունը, վերջին որոնման բառերը, կայքի ամենատարածված էջերը և այլն: Տեղեկությունը կարելի է զտել ըստ ժամանակի – ցուցադրել վիճակագրությունը օր/շաբաթ/ամիս/տարի կամ ցանկացած այլ ժամանակահատված համար:

նկ. Յանդեք Մեթրիկայի «Ամփոփում» ներդիրը

«Հաշվետվություններ» ներդիրը պարունակում է Ձեր կայքի համար զանազան վերլուծական տարբերակներ: Բոլորն էլ բաժանված են երեք ներդիրների, որից երկուսը լրացվում է կայքի սեփականատերի կողմից: Հաշվետվությունները ձևավորվում են «Կարգավորումներում» սահմանված նպատակներին համապատասխան:
«Ստանդարտ» - հնարավոր բոլոր հաշվետվությունների ամբողջ ցանկը, որը թույլ է տալիս իմանալ այցելուների թիվը «Յանդեքսից», Google-ից և այլ որոնողներից, տրաֆիկի աղբյուրներն ու տեղեկություններ այցելուների մասին և այլն:
«Իմ» - անձամբ կայքի սեփականատերի կողմից ստեղծված հաշվետվությունները:
«Նախընտրելի» - ստանդարտ հաշվետվությունների մի մասն ամրագրված է՝ արագ մատչելի լինելու համար:

նկ. Յանդեք Մեթրիկայի «Հաշվետվություններ» ներդիր

«Քարտեզներ»: Սեղմումների, ոլորման, անցումների և ձևերի լրացման վերլուծության պատրկերավոր ներկայացումը: Այս ներդիրը օգտագործվում է կայքի այցելուի վարքագծի վերլուծության, օգտագործողի ինտերֆեյսի թույլ կողմերի և այցելուների համար ամենատարածված բաժինների որոշման համար:

նկ. Յանդեք Մեթրիկայի «Քարտեզներ» ներդիր

«Վեբվիզոր»: Yandex.Metrica-ի  գործառույթ, որը հետևում է կայքի այցելուների գործողություններին: Մարդու բոլոր գործողությունները մեկ այցի ընթացքում ցուցադրվում են տեսագրության տեսքով: «Վեբվիզոր»-ը ցույց է տալիս տեքստի ընդգծում, կոճակների և բանները սեղմում, էջը ոլորելը, մկնիկի մշակումը, այցի տևողությունը, դիտարկիչի տեսակը, օպերացիոն համակարգը և սերվերի IP հասցեն:

նկ. Յանդեք Մեթրիկայի «Վեբվիզոր» ներդիր

«Սեգմենտներ»: Հաշվետվությունների պահված մասերն են, որոնք այնուհետև կարելի է օգտագործել աշխատանքի ընթացքում։ Սեգմենտ ստեղծելու համար բավարար է սեղմել «Սեգմենտավորել» կոճակը հաշվետվությունը դիտելիս:

«Կարգավորում»: Այս ընտրացանկում ներառված է Մեթրիկայի հիմնական տեղեկությունը. ձեր հաշվիչի համարը, անվանումը, կայքի հասցեն, հաշվիչի կոդը և շատ այլ բան: Ինչպես նաև «Կարգավորումներում» են նշվում հաշվետվությունների համար նպատակները: Դրանք կարող են լինել փոխակերպման (վիճակագրական տվյալներ) և վերագրման (Յանդեքս.Դիրեկտ-ի միջոցով ցուցադրվող գովազդի համար լսարանի ընտրություն ըստ տրված բնութագրերի) տիպի:

նկ. Յանդեք Մեթրիկայի «Կարգավորում» ներդիր

«Նպատակային զանգեր»: Այս ծառայությունը վճարովի է: Գործիքը թույլ է տալիս վերլուծել զանգերի վիճակագրությունը, ինչպես նաև համեմատել տարբեր ալիքների արդյունավետությունը:

Ինչն է կարելի է տեսնել Yandex.Metrica-ում

Տրաֆիկի ծավալը: «Ամփոփում» ընտրացանկում ներկայացված են «Այցելուներ» և «Նոր այցելուներ» գրաֆիկները: Եթե անհրաժեշտ է ավելի մանրամասն տեղեկություն, կարող եք օգտվել «Այցելուները» հաշվետվությունից:

Օգտատերերի ներգրավվածությունը: Կարող եք իմանալ, թե որքանով է կայքը հետաքրքրել այցելուին՝ ելնելով նրա վերադարձների քանակից, այցերի ընդհանուր թվից և այցերի պարբերականությունից: Ինչպես նաև Yandex Metrica-ն ունի տվյալներ  օգտատիրոջ հեռանալու պահերի մասին: Սա թույլ կտա եզրակացություններ անել կայքի օգտագործելիության խնդիրների մասին:

Տրաֆիկի աղբյուրները: Մեթրիկան ցույց կտա, արդյոք այցելուն եկել է կայք օրգանական որոնումից, այլ կայքի հղումից թե քլիք արել  վճարովի հայտարարության վրա: Այսպիսով, դուք կկարողանաք իմանալ, թե որքանով է արդյունավետ այս կամ այն գովազդային արշավը:

Բանալի բառեր: Yandex.Metrica-ն հավաքում է վիճակագրություն այն մասին, թե որ բանալի բառերով են այցելուները գտել ձեր կայքը: Յուրաքանչյուրի համար կարելի է տեսնել, թե որ որոնման համակարգից է իրականացվել անցումը և ինչ ձևով է տրված հարցումը: Այս գործառույթը օգնում է գնահատել վեբ-ռեսուրսի օպտիմալացման հաջողությունը:

Կոնվերսիա: Ծառայությունը հետևում է կայքի այցելուի կողմից որոշակի նպատակային գործողությունների կատարմանը: Օրինակ, դա կարող է լինել պատվերի ձևի լրացում կամ հետադարձ զանգի, «Գնել» կոճակի սեղմում և բազմաթիվ այլ գործողություններ: Հետևվող իրադարձությունները սահմանվում են «Նպատակներ» ընտրացանկում:

Այցելուների բնութագրերը. Յանդեքս.Մեթրիկայում կարելի է տեղեկություններ հավաքել վերաբերող այցելուների սեռին, տարիքին, հետաքրքրությունների ոլորտին, բնակության տարածքին: Սա կօգնի ավելի լավ ճանաչել ձեր թիրախային լսարանը և օպտիմալացնել կայքը նրանց համար:

Տեղեկություն կայքի էջերի մասին. Յուրաքանչյուր էջի համար կազմվում է քլիքերի, ոլորման և դիտայցերի քարտեզ: Դուք կկարողանաք վերլուծել այցելուի գործողությունները և իմանալ, թե որ ինտերֆեյսի տարրերն են լավ աշխատում, իսկ որոնք չեն կատարում իրենց խնդիրը: Խնդիրների հայտնաբերմանը շատ է օգնում նաև «Վեբվիզոր»-ը:

Հղումներ

---------

* https://Metrica.yandex.ru