Որոնումների Տեսակներ  

Բովանդակություն

 •  Որոնման հարցումների տեսակներ
 •  Որոնման հարցումների տեսակները ըստ գործոնների
       •  Հաճախականություն
       •  Արժեք
       •  Գեոկախվածություն
       •  Մրցակցություն
 •  Որոնման հարցումների տեսակները իմաստաբանական կորիզում
       •  Տեղեկատվական
       •  Նավիգացիոն
       •  Տրանզակցիոն
 •  Ամփոփում

Որոնման հարցումների տեսակներ

Հարցումը բառ կամ արտահայտություն է, որը օգտագործում են որոնման համակարգերի օգտատերերը անհրաժեշտ տեղեկատվություն ստանալու համար:

Այս հասկացությունը կարևոր է այն մարդկանց համար, ովքեր ունեն կայքեր կամ զբաղվում են դրանց օպտիմիզացիայով:

Որոնման համակարգերը շարունակում են մնալ վեբ-կայքերի թրաֆիկի հիմնական աղբյուրը: Ընդ որում, որոնման առաջխաղացման հիմքը կայքի իմաստաբանական կորիզն է՝ բանալի բառերի համակարգված ցանկ, որոնցով օգտագորտերերը պետք է գտնեն կայքը:

Կա հարցումների ստանդարտ դասակարգիչ, որը տարբերակում է հարցումների մի քանի տեսակ: Այստեղ կարևոր է հասկանալ, թե ինչպես և ինչ բանալի բառեր հաջող առաջխաղացման համար:

Որոնման հարցումների տեսակներ ըստ գործոնների

Որոնման արտահայտությունները պայմանականարորեն բաժանվում են հետևյալ տեսակները ըստ դասակարգման գործոնների, որոնք են՝

 •  հաճախականություն,
 •  արժեք,
 •  գեոկախվածություն,
 •  մրցակցություն:

Ահա յուրաքանչյուր տեսակի առանձնահատկությունները և բնութագրերը:

Հաճախականություն

Ըստ հաճախականության տարբերում ենք որոնման հարցումների հետևյալ տեսակները՝

•  Բարձր հաճախականություն (ԲՀ)
•   Միջին հաճախականություն (ՄՀ)
•   Ցածր հաճախականություն (ՑՀ):

• Բարձր հաճախականություն (ԲՀ) - սրանք ամենատարածված և, որպես կանոն, կարճ արտահայտություններ ու առանձին բառեր են: Նման հարցումներով դժվար է մուտք գործել որոնման արդյունքների top-10՝ բարձր մրցակցության պատճառով: Միևնույն ժամանակ, բարձր հաճախականությամբ թրաֆիկը հաճախ չի լինում թիրախային՝ չափազանց ընդհանրական իմաստային ուղվածության պատճառով:

• Միջին հաճախականություն (ՄՀ) - սրանք տարածված, բայց ավելի կոնկրետացված հարցումներն են և լավ աղբյուր են կոնվերսիոն թրաֆիկի համար:

• Ցածր հաճախականություն (ՑՀ) - այսպիսի արտահայտությունները որոնումներում բավականին հազվադեպ են օգտագործվում: Դրանց միջոցով հեշտ է դուրս գալ թոփ դիրքեր: Բարձր աստիճանի կոնկրետության շնորհիվ, ցածր հաճախականությամբ թրաֆիկն աչքի է ընկնում բարձր կոնվերսիայով: Դա բացատրվում է այն հանգամանքով, որ այդպիսի հարցումներ մուտքագրողները հստակ գիտեն, թե ինչ են փնտրում: Այդպիսի թրաֆիկի ներգրավումն առավել նպատակահարմար է ինտերնետ-խանութների առաջխաղացման համար:

Պետք է նշել, որ որոնումների հաճախականությունը ճշգրիտ որոշել անհնար է՝ առանց ոլորտի ուսումնասիրության:

Օրինակ, հեռախոսի պատյանների վաճառքի բնագավառում հարցումը կարող է օգտագործվել ամսեկան ավելի քան 1000 անգամ, բայց միևնույն ժամանակ մնալ միջին կամ անգամ ցածր հաճախականությամբ: Իսկ արդյունաբերական սարքավորումների պահեստամասերի մատակարարման բնագավառում հարցումը, որը օգտագործվել է վերջին ամսվա ընթացքում 20 անգամ, կարող է համարվել բարձր հաճախականության:

Արժեք

Այս պարամետրով բառերը բաժանում են այն նպատակով, որ գնահատեն դրանց հեռանկարայնությունը կոնկրետ վեբ կայքի համար: Ըստ արժեք բանալի բառերը լինում են՝

•   առևտրային. այնպիսի հարցումներ, որոնց բնույթից կարելի է որոշել օգտագործողի շահագրգռվածությունը որևէ ապրանք կամ ծառայություն գնել:

•   ոչ առևտրային. այնպիսի հարցումներն ունեն ինֆորմացիոն բնույթ: Ինչպես նաև այս դասակարգի մեջ են մտնում որոնման արտահայտությունները, որոնց միջոցով մարդիկ փնտրում են ուղեցույցներ, որոնք թույլ են տալիս ինչ-որ բան անել սեփական ուժերով:

Ինտերնետ-խանութի օպտիմալացմանը համապատասխանում են առևտրային հարցումները: Եթե հաշվի չառնել այս հանգամանքը, կայքը կստանա մեծ քանակությամբ ոչ թիրախային թրաֆիկ:

Գեոկախվածություն

Որոնման արտահայտությունի աշխարհագրական կապվածությունը պարտադիր պետք է հաշվի առնվի իմաստաբանական կորիզի ձևավորման ժամանակ: Այս պարամետրով տարբերակում են հետևյալ որոնման արտահայտություների տեսակները՝

•   գեոկախված. սա հարցումներ են, որոնք ունեն կոնկրետ աշխարհագրական տեղանքին սերտ կապվածություն: Արտահայտությանի կազմի մեջ պարտադիր են ներառված որոշիչ բառեր, օրինակ՝ «Երևանում», «Կասկացում», «Կոտայքի մարզում», «Մոսկվայում»: Որոնման համակարգը միշտ որոշում է օգտվողի գտնվելու վայրը, որպեսզի համապատասխան որոնման արդյունքներ ձևավորի նրա համար: Հետևաբար, տարբեր աշխարհագրական վայրերում որոնման արդյունքները տարբեր կլինեն: Սա պետք է հաշվի առնվի տարածաշրջանային առաջխաղացման համար բանալի բառեր ընտրելիս:

•   գեոանկախ. Այս հարցումները կապված չեն որևէ տարածաշրջանի հետ: Օրինակ, եթե կատարենք որոնում «մայրամուտի նկարներ» արտահայտությանով, ապա արդյունքները կլինեն նույնական տարբեր տարածաշրջանների համար:

Մրցակցություն

Եթե որոնման հարցումները տարբերակել ըստ դրանց մրցակցության, ապա կարելի է տարբերակել.

•   բարձր մրցակցություն (ԲՄ),
•   միջին մրցակցություն (ՄՄ),
•   ցածր մրցակցություն (ՑՄ):

Նոր կայքի առաջխաղացման ժամանակ նպատակահարմար է կենտրոնանալ ցածր և միջին մրցակցության մակարդակ ունեցող արտահայտությունների վրա:

Որոնման հարցումների տեսակները ինտենտի (ակնկալիքի)

Առաջխաղացման իմաստաբանական կորիզ նախապատրաստելիս կարևոր է հաշվի առնել նաև հարցումների տեսակները: Այս դասակարգման մեջ որոնման արտահայտությունները բաժանվում են հետևյալ կատեգորիաների.

Տեղեկատվական. Ինտերնետում ամենատարածված հարցումների տեսակն է: Սովորաբար դրանք ձևավորվում են հարցական նախադասության ձևաչափով՝ օգտագործելով «ինչի՞ համար», «ինչպե՞ս», «ինչո՞ւ», «ի՞նչ անել» և նման բառեր: Տեղեկատվական որոնման արտահայտության օրինակ կարող է լինել «ինչպե՞ս ինքնուրույն փոխել անվադողեր» որոնումը:

Նավիգացիոն. Այդպիսի հարցումների օգնությամբ մարդիկ փնտրում են ինտերնետում այլ կայքեր: Այս տեսակը շատ տարածված չէ, քանի որ այն բնորոշ է ինտերնետի սկսնակ օգտատերերին: Տիպիկ նավիգացիոն հարցումներ են «ֆեյսբուք կայք», «օդնօկլասնիկի կայք» և նման կազմվածքները: Ինչպես նաև այս կատեգորիան ներառում է բրենդի անվանումներ ներառող արտահայտությաներն, օրինակ «էվոկաբանկ կայք» :

Տրանզակցիոն. Այս տեսակի հարցումները օգտագործում են այն մարդիկ, ովքեր ցանկանում են կատարել որոշակի նպատակային գործողություն: Այդպիսի արտահայտությաները ներառում են «գնել», «պատվիրել», «ներբեռնել» և նման բառեր:

Բացի այդ, որոշ դասակարգումներում առանձնացվում են նաև մուլտիմեդիոնային հարցումներ, որոնք օգտագործվում են երաժշտության, տեսանյութի, GIF-անիմացիայի և նման մեդիա բովանդակության որոնման համար, ինչպես նաև տարբերում ենք ընդհանուր հարցումներ՝ այնպիսի որոնման արտահայտությաներ, որոնք չի կարելի միանշանակորեն դասել վերոնշված տեսակներից որևէ մեկին:

Ամփոփում

Որոնման հարցումների տեսակները ճիշտ դասակարգելու կարողությունը հանդիսանում է Google-ում և Yandex-ում կայքերի առաջխաղացման անհրաժեշտ պայման: Հետևաբար պետք ուսումնասիրել և տարբերակել որոնման հարցումների տեսակները: Սա կօգնի ճիշտ կազմել և լրացնել իմաստաբանական կորիզը, որից մեծապես կախված են կայքի կառուցվածքը և համապատասխանաբար որոնման արդյունքներում կայքի տեսանելիությունը: