|
"Պալեխ" – Յանդեքս որոնողական ալգորիթմ (Yandex Search Algorithm Palekh) ցածր հաճախականության որոնման արդյունքների դասակարգման համար:
Yandex Palekh-ը գործարկվել է Yandex-ի կողմից 2016 թվականին: Ալգորիթմը կոչվել է Պալեխ` Իվանովո մարզի մի գյուղի անունով, որի զինանշանի վրա պատկերված է երկարապոչ թռչուն:
Ահա սխեմատիկ պատկերը, որը տրամադրել է ինքը ՝ Yandex-ը:
Սիմվոլիկ թռչնի կտուցը խորհրդանշում է ամենահաճախ հարցումները, մարմինը միջին հաճախականության հարցումներն են, այսինքն որոնվող արտահայտություններ որոշ ճշգրտումներով, իսկ պոչը հազվադեպ ու ամենաբազմազան ձևով ձևակերպած հարցումները:
Հետաքրքիրն այն է, որ օրական 280 միլիոն հարցումներից 100 միլիոնը ցածր հաճախականության են: Վերջերս SEO մասնագետները ավելի ու ավելի հաճախ են սկսել օգտագործել ցածր հաճախականության հարցումները, քանի որ դրանք մեծ մրցակցություն չունեն և ավելի հեշտ է հասնել առաջին դիրքերին:
Բայց ունի իր բարդությունները SEO մասնագետների համար քանի որ ցածր հաճախականության հարցումները տարբեր են և ամեն ինչ հնարավոր չէ գուշակել։
Պալեխ ալգորիթմի էությունը կայանում է նրանում, որ որոնվող բանալի բառերի դասակարգումը սկսեց իրականացվել ոչ միայն մուտքագրված բառով, այլև նմանատիպ իմաստ ունեցող այլև արտահայտություններով: Այսինքն ՝ այժմ Yandex-ը փորձում է ոչ միայն համընկնումներ գտնել հարցման և կայքի բառերի մեջ, այլ հասկանալ որոնման իմաստը և գտնել ձեր հարցի պատասխանը:
Արհեստական նեյրոնային ցանցեր
Ի լրումն ցածր հաճախականության հարցումների, կան բազմաթիվ եզակի հարցումնր, որոնք մուտքագրվում են մեկ անգամ և այլևս չեն կրկնվում: Դրանք դժվար է մշակել որոնման համակարգի համար, քանի որ նրանց համար չկա մանրամասն վիճակագրություն: Այդ պատճառով Yandex-ի ծրագրավորողները որոշել են արհեստական նեյրոնային ցանցեր օգտագործել ։ Արհեստական նեյրոնային ցանցերը հիմք հանդիսացան "Պալեխ"ալգորիթմի համար: Այս ցանցերի առանձնահատկությունըն այն է, որ դրանք ունակ են ինքնուրույն սովորել և ինքնաճշգրտվել: Դրանք ստեղծվել են մարդու ուղեղի նմանությամբ և կարող են կլանել հսկայական քանակությամբ տեղեկատվություն: Ստացվող տվյալների հիման վրա արհեստական նեյրոնային ցանցը իրականացնում է վերլուծություն և տալիս որոնման ճիշտ արդյունք համապատասխանող մարդու մուտքագրված հարցմանը:
Ինչի համար ստեղծվեց "Պալեխը"
Yandex-ի համար կարևոր է հասկանալ, թե արդյոք այն բավարարել է օգտատիրոջ պահանջը: Այսինքն ՝ արդյոք մարդը գտել է այն, ինչ փնտրում էր։ Երբ օգտատերը մուտքագրում է հարցումը, գնում է առաջին կայք և այլևս չի վերադառնում որոնում, Yandex-ը հասկանում է, որ ցույց է տվել ճիշտ արդյունքը: Հետագայում նա այդ արդյունքը նման հարցման համար ցույց կտա նաև այլ մարդկանց ։
Բարձր հաճախականության հարցումների դեպքում տվյալները շատ են, և ալգորիթմներին հեշտ է հասկանալ քանակի վրա հիմնվելով հասկանալ, որն է ամենալավ կայքը տվյալ հարցման համար:
Ցածր հաճախականության հարցումներով ամեն ինչ ավելի բարդ է։ Yandex-ին երկար ժամանակ պահանջվեց ցածր հաճախականությամբ հարցումների էությունը հասկանալու և ճիշտ կայքերի ցանկ ցույց տալու համար: Օգտատերերն իրենք հաճախ չէին կարողանում առաջին անգամից գտնել այն, ինչ փնտրում էին ։
Ահա այս նպատակով է ստեղծվել Պալեխ ալգորիթմը՝ ոչ թե միացնել որոնվող բառերը և այդ բառերը պարունակող կայքերը, այլ հասկանալ որոնման նպատակը և գտնել կայքեր որոնք պատասխանում են հարցին:
|
