|
Գուգլ Անալիտիկա
Բովանդակություն
• Աշխատանքի սկզբունքը
• Հնարավորությունները
• Ինչպես տեղադրել և կարգավորել ծառայությունը
• Google Analytics-ում այցելուների գնահատման պարամետրերը
• Ինչ կարող ենք իմանալ Google Analytics-ի հաշվետվություններից
• Google Analytics-ի և Яндекс.Метрикa -այի համեմատությունը
• Google Analytics
• Yandex.Metrika
• Հղումներ
Google Analytics-ը Google որոնողական համակարգի կողմից տրամադրվող անվճար վեբ-վերլուծության ծառայությունն է: Այն մանրամասն տվյալներ է տրամադրում բոլոր այցելուների մասին՝ ցուցադրելով տեղեկություններ տարածաշրջանի, օպերացիոն համակարգի, ինտերնետ-ծառայություն մատակարարի, թրաֆիկի աղբյուրի և նման կարևոր պարամետրերի մասին:
Աշխատանքի սկզբունքը
Սեփականատիրոջ կայքում տեղադրվում է Google JavaScript-ը, որն ավտոմատ կերպով հետևում է բոլոր անցումներին: Համակարգը սկսում է գրանցել գործողությունները և տեղաշարժերը, հենց որ այցելուն մտնում է ռեսուրսի ցանկացած էջ: Ընդ որում, հաշվի են առնվում ինչպես ուղիղ անցումները, այնպես էլ այցելությունները որոնողական համակարգից, սոցիալական ցանցերից, գովազդային ծառայություններից և այլ աղբյուրներից:
Բոլոր տվյալները ուղարկվում են Google սերվերներ, որտեղ մշակվում և համակարգվում են միասնական տվյալների շտեմարանում: Որոշ ժամանակ անց դրանք ցուցադրվում են կառավարման վահանակում, որտեղ կարող են օգտագործվել տարբեր զտիչներ և վիջեթներ՝ որոշակի տեղեկատվություն դիտելու համար:
Հնարավորությունները
Google-ի վիճակագրության հավաքագրումը հսկայական հնարավորություններ է տալիս կայքի սեփականատերերին: Գուգլ Անալիտիկայի հիմնական բաղադրիչներն են.
• վերլուծական գործիքներ. Լրիվ ամփոփագրեր այցելուների վերաբերյալ, օգատառեր փոփոխականներ, տրաֆիկի vizualization, աշխատակիցների համար միասնական հասանելիություն, API գործիքներ և այլն.
• բովանդակության վերլուծություն. Կայքի բոլոր էջերի վիճակագրություն, բեռնման արագության վերլուծություն, իրադարձությունների հետագծում: Մեծ թվով գործիքներ, որոնք հնարավորություն են տալիս ստանալ տեղեկություններ ռեսուրսի ամենապահանջված էջերի մասին.
• բջջային տվյալների վերլուծություն. Բջջային գովազդի արդյունավետության գնահատում, կիրառությունների վերլուծություն, բջջային սարքերից անցումների վիճակագրություն.
• սոցիալական ակտիվության վերլուծություն. Սոցիալական ցանցերի ազդեցությունը և օգտատերերի անցումները, նյութերով/պոտսերով կիսվելու մանրամասն վիճակագրություն, առևտրային օգուտը.
• փոխակերպման վերլուծություն (կոնվերսիա). Նպատակների և փոխակերպման մանրամասն վիճակագրություն, վաճառքի օպտիմիզացիա, գովազդային արշավների արդյունավետության հետագծում, կայքի անցումների vizualization.
• գովազդի վերլուծություն. Գովազդի տարբեր աղբյուրների վերլուծության և համեմատության գործիք՝ մարքեթինգի արդյունավետության բարձրացման և AdWords ծառայության հետ ինտեգրացման համար:
Ինչպես տեղադրել և կարգավորել ծառայությունը
Ծառայությունը օգտագործելու համար անհրաժեշտ է ստեղծել Google հաշիվ: Գրանցվեք որպես նոր մասնակից կամ մուտք գործեք ձեր հաշիվը https://marketingplatform.google.com/about/analytics էջում:
• Մուտք գործեք ձեր հաշիվը ծառայությունում և սեղմեք «Կառավարիչ» ներդիրը:
• Բացված ընտրացանկում սեղմեք «Հաշիվ» ներդիրը և ընտրեք այն հաշիվը, որի համար անհրաժեշտ է ավելացնել կայք:
• Բացված ընտրացանկում սեղմեք «Ստեղծել ռեսուրս» ներդիրը:
• Նշեք, թե ինչի համար եք միացնում վերլուծությունը - «Կայք» կամ «Բջջային հավելված»:
• Դիտարկենք օրինակը կայքի համար: Նշեք ռեսուրսի անվանումը (ձեր համար), URL-ը, ճյուղը և ժամային գոտին և սեղմեք «Ստանալ ID» կոճակը:
• Համաձայնվեք պայմանների հետ և հաստատեք գործողությունը:
• Ձեզ կցուցադրվի Google Analytics-ի կոդի հատված, որը պետք է տեղադրել ռեսուրսում՝ օգտվողների գործողությունները գրանցելու և վիճակագրություն վարելու համար:
• Պատճենեք այն և տեղադրեք կայքի head պիտակների միջև:
Տարածված CMS-ների համար առկա են մասնագիտացված պիտակներ, որոնք թույլ են տալիս մեկ քլիքով տեղադրել կոդը՝ օգտագործելով միայն օգտվողի ID-ն:
Google Analytics-ում այցելուների գնահատման պարամետրերը
Google Analytics-ում այցելուների գնահատման պարամետրերը կազմված են համակարգի կողմից օգտվողների մասին հավաքված մեծ քանակի տեսակի տվյալներից: Մենք պայմանականորեն բաժանել ենք դրանք 4 մասի՝
• Ընդհանուր տվյալներ կայքի այցելուների մասին: Այստեղ հետևում են դիտարկված էջերի քանակին, եզակի և բազմակի սեսսիաներին, ընդհանուր լսարանին, նոր այցելուների քանակին:
• Լսարանի բնութագրիչները: Այցելուների ակտիվությունը (այցելուի դիտած էջերի քանակ, միջին հետաքրքրվածություն, աշխարհագրական բաշխում IP հասցեների հիման վրա):
• Օգտվողների աղբյուրներ: Հետագծում են այն հարթակները, որոնցից կատարվել են անցումները, ուղիղ անցումները, որոնման համակարգերից ամբողջական բանալի բառերի ցանկը, թրաֆիկի աղբյուրները խմբերով:
• Կայքի բաժինների և էջերի պահանջվածությունը: Ամբողջական վերլուծություն յուրաքանչյուր էջի, բաժնի, կատեգորիայի այցելելիության մասին, յուրաքանչյուր օգտվողի համար ամենահայտնի էջերի ցանկը:
Սա միայն այն պարամետրերի մի մասն է, որոնցով Google-ը գնահատում է կայքի այցելելիությունը և տրամադրում է տվյալներ վեբ-մասթերներին: Համալիր առումով իրականացվում է լրիվ վերլուծություն և գրանցվում է այցելուի յուրաքանչյուր գործողություն, որպեսզի կայքի սեփականատերը կարողանա վերլուծել, որքանո՞վ է իր ռեսուրսն հետաքրքիր օգտվողների համար, որ տարածաշրջանից է այցելուների մեծամասնությունը, որ էջերն են առավել հետաքրքիր:
Ինչ կարող ենք իմանալ Google Analytics-ի հաշվետվություններից
Google-ի վերլուծական գործիքի օգնությամբ հավաքված վիճակագրությունը հնարավորություն է տալիս հասկանալ, թե որ ինչ սխալներ են թույլ տրվել կայքը կազմելիս, որ էլեմենտներում, տեքստային նյութերի և կայքի այլն բաղադրիչների մեջ: Այսպես հաշվետվությունների շնորհիվ կարող ենք իմանալ.
• կայքի էջերի բեռնման արագությունը. Դա կարևոր գործոնն է, որը ազդում է նաև որոնողական համակարգերում դասակարգման վրա.
• իրադարձությունների հետագծում. Լրիվ տեղեկություններ տարբեր կոճակների սեղմումների, էջերի միջև անցումների, տարբեր ձևերի լրացման մասին.
• հարթակների բաշխում. Կարևոր է ուշադրություն դարձնել ոչ միայն անձնական համակարգիչների, այլև բջջային սարքերի վրա: Google Analytics-ի վիճակագրության հավաքման գործիքների շնորհիվ կսահմանենք, թե պոտենցիալ այցելուների որ տոկոսն է այցելում ռեսուրսը բջջային սարքերից, պլանշետներից, PC-ներից.
• վաճառքների և փոխակերպումների վերլուծություն. Մանրամասն վիճակագրություն և բոլոր օգտվողների գործողությունների անալիզ. այցելուների գործողությունները բաններների հետ, տեղեկատվական վահանակների հետ, տեսանյութերի դիտումների վերլուծությունը: Հաշվետվություններից կարող ենք հասկանալ, թե որ գործոններն են ազդում փոխակերպման և վաճառքների վրա.
• գովազդային տեղերի վերլուծություն. Օգտագործո՞ւմ եք համատեքստային գովազդ: Չեք կարողանո՞ւմ հասկանալ, որ հայտարարությունն է առավել արդյունավետ: Google Analytics-ը կտրամադրի մանրամասն հաշվետվություններ բոլոր գովազդային հայտարարությունների մասին և կասի, որ բլոկներն են ամենաարդյունավետ.
• սոցիալական ցանցերում ակտիվություն. Վերլուծական գործիքը ավտոմատ կերպով հետագծում է օգտվողների ակտիվությունը սոցիալական ցանցերում և ձեր կայքում: Դուք կստանաք ռեսուրսի նյութերի վերահրապարակման (repost) լրիվ վիճակագրություն:
Google Analytics-ի և Яндекс.Метрика-այի համեմատությունը
Google Analytics-ը ունի մրցակից՝ Яндeкс.Метрика ծառայությունը, կողմնորոշված Ռուսաստանի և ԱՊՀ երկրների վրա: Եթե համեմատենք երկու ծառայությունները, կարող ենք հայտնաբերել բազմաթիվ նման գործիքներ, բայց նաև կարդինալ տարբերություններ: Ներկայացնենք յուրաքանչյուր ծառայության առանձնահատկություններըч
Google Analytics
1. Հսկայական ֆունկցիոնալ հնարավորություններ, որոնք ներառում են տասնյակ զտիչներ, գրեթե 100 տեսակի հաշվետվություններ, բազմաթիվ կարգավորումներ:
2. Սահմանափակ անվճար տարբերակ: Սակայն դա բավարար է նույնիսկ խոշոր նախագծերի համար, իսկ վճարովի տարբերակն օգտագործում է վեբ-մասթերների փոքր տոկոսը:
3. Յուրաքանչյուր նախագծի մանրամասն վիճակագրություն: Սակայն օրինակ Ռուսաստանի համար սխալը կազմում է 20–40%, այինչ Metrica-ն ունի առավելագույնը 5% շեղում:
4. Բազմաթիվ լեզվական կարգավորումների հնարավորություն:
Yandex.Metrica
1. Ինտուիտիվ հասկանալի, հարմար և պարզ ինտերֆեյս:
2. Տվյալները թարմացվում են նվազագույն ուշացումով, մոտ 5 րոպե: Google-ում մշակումը հասնում է 4 ժամի:
3. SMS-հաշվետվությունների առաքում որոշակի պարամետրերով, ժամանակով:
4. Այցելուների վարքագծի մանրամասն վիճակագրություն Yandex.Webvisor, քլիքերի և ոլորման քարտեզներ, ձևերի վերլուծություն գործիքում:
5. Նպատակային մոնիտորինգ և կայքի նպատակների սահմանում, ինտեգրացիա Yandex.Direct-ի հետ (գովազդային ծառայություն):
Ընդհանուր առմամբ, եթե դիտարկենք ծառայությունները, Google Analytics-ը ավելի շատ է ուղղված Արևմտյան երկրներին: Ռուսաստանի և ԱՊՀ համար օպտիմալ տարբերակ է Yandex-ի ծառայությունը: Հնարավոր է ծառայությունների զուգահեռ կիրառումը:
Հղումներ՝ https://analytics.google.com
|
