|
Բովանդակություն
• Ինչպես անցկացնել A/B-թեստավորում
• Ինչ տեստավորել
• A/B-թեստավորման ծառայություններ
A/B-թեստավորումը մարկետինգային գործիք է, որի միջոցով կարելի է բարձրացնել կայքի արդյունավետությունը: Այն կոչվում է նաև սպլիթ-թեստավորում (Split Testing): Այս մեթոդը նախատեսված է կոնվերսիայի գործակցի, միջին չեկի չափի, կայքում գտնվելու ժամանակի, կայքից հետդարձի (bounce rate) և այլ ցուցանիշների բարելավման համար:
A/B-թեստավորման էությունը կայանում է A (բնօրինակ) վերահսկիչ էջի և դրա B (նոր ստեղծված էջ) անալոգի՝ փոփոխությունների համեմատության մեջ: Ողջ թրաֆիկը բաժանվում է A և B էջերի միջև: Այնուհետև համեմատվում են հիմնական ցուցանիշները: Եթե նոր տարբերակը արդարացրել է ակնկալիքները և, օրինակ, կոնվերսիայի գործակիցը բարձրացել է, այդ դեպքում ողջ թրաֆիկը ուղղվում է B էջին:
Այնուհետև, երբ կթեստավորվեն նոր փոփոխությունները, բարելավված տարբերակը կսկսի դառնալ A վերահսկիչ էջ:
Աշխատելիս սպլիթ-թեստավորման հետ կարևոր է ճիշտ գնահատել վերահսկիչ և նոր էջերի մետրիկաները, ինչպես նաև ճիշտ բաշխել թրաֆիկը (միշտ չէ, որ պետք է բաժանել 50/50):
Բացի այդ, ճիշտ աշխատանքի համար անհրաժեշտ է բացառել սեգմենտների փոխադարձ ազդեցությունը, նվազեցնել արտաքին և ներքին գործոնների ազդեցությունը:
Թեստավորումը պետք է անցկացվի զուգահեռ և նույն պայմաններում:
A/B-թեստավորումը միշտ չէ, որ օգտագործվում է կայքի լենդինգ էջերի բարելավման համար: Դրա հնարավորությունները թույլ են տալիս անցկացնել թեստեր նաև այլ հատվածներում:
Ինչպես անցկացնել A/B-թեստավորում
Դիտարկենք օրինակ: Օգտվողին անհրաժեշտ է բարձրացնել լենդինգ էջի կոնվերսիայի (վերափոխման) գործակիցը, որի թրաֆիկը գալիս է համատեքստային գովազդից: Թեսթավորման պահին ցուցանիշը 2,5% է: Ցուցանիշը բարձրացնելու համար օգտվողը ցանկանում է փոխել էջի դիզայնը: Նա ստեղծում է նոր B էջ և ուղղում այդտեղ թրաֆիկի մի մասը: Արդյունքում նոր դիզայնով էջում վերափոխման գործակիցը աճում է մինչև 3%, ակնկալվող 4 %-ի փոխարեն: Վերափոխման գործակիցը ավելի բարձրացնելու համար կարելի է փոխել նաև էջի տեքստը, օրինակ` մտածել գործողության նոր կոչ: Այժմ A վերահսկիչ էջի դեր կստանա նոր դիզայնով էջը:
Այս օրինակում նման ձևով կարելի է փորձել նաև փոխել համատեքստային գովազդի հայտարարությունները (վերնագրերը, տեքստերը և այլն), ուշադրություն դարձնել դրանց բովանդակության համապատասխանության վրա, քանի որ հիմնական թրաֆիկն էլ հենց այնտեղից է գալիս: A/B-թեստավորում կիրառելիս կարևոր է ստանալ օբյեկտիվ տվյալներ և վիճակագրություն:
Ինչ տեստավորել
A/B-թեստավորումը պրակտիկ մեթոդ է: Այն ազդում է տարբեր մետրիկաների վրա, հետևաբար թե կոնկրետ ինչ փոփոխություններ մտցնել հարցին պատասխանելու համար պետք է հիմնվել դրված նպատակների և խնդիրների վրա:
Առավել հաճախ թեստավորվում են էջերի հետևյալ բաղադրիչները.
Վերնագրեր: Շրիֆտը, գույնը, դասավորությունը, բովանդակությունը, դրանց քանակը` այս ամենը ազդում է այցելուի ուշադրության գրավման և պահելու վրա: Երբեմն միայն վերնագրի շրիֆտի փոփոխումը կարող է բարելավել ամբողջ էջի ընկալումը:
Տեքստ: Նման է վերնագրերին: Տեքստը պետք է ընթեռնելի և տեսողորեն ընդունելի լինի: Տեքստի քանակը, շրիֆտը, գույնը, դասավորությունը ոչ պակաս կարևոր են, քան բովանդակությունը:
Կոճակներ: Որպես կանոն, կոճակներն են, որ գրավում են այցելուների ուշադրությունը: Հետևաբար դրանց արտաքին տեսքի, դասավորության, ձևավորման փոփոխությունը կարող են դրական ազդել ցուցանիշների վրա:
Պատկերներ: Օգտագործեք որակյալ և գեղեցիկ պատկերներ: Կարևոր չէ՝ դա ապրանքի լուսանկար է, թե հիմնական էջի ֆոն: Նույնիսկ նկարի ամենափոքր տեղաշարժը կարող է ամբողջությամբ փոխել տեսողական ընկալումը:
Էջի դիզայն: Սխալ դիզայնն այն գործոններից է, որը հաճախ կայքը լքողների մեծ թվի պատճառ է դառնում: Թեստավորեք նոր լուծումներ, ձևաչափեր` ինչպես ամբողջ կայքի, այնպես էլ դրա առանձին տարրերի համար: Գտեք առավել արդյունավետ տարբերակը:
Բիզնես առաջարկը և գները: Թեստավորման ենթակա է ոչ միայն էջի արտաքին տեսքը: Նոր բիզնես առաջարկ ստեղծելը երբեմն ավելի արդյունավետ է, քան ամիսներ շարունակ դիզայնը, տեքստերը, կոճակները փոփոխելը և վերափոխման գործակիցի բարձրացնելը:
Սրանք ամենահաճախ թեսթավորվող բաղադրիչներն են: Իրականում փոփոխությունների կարող է ենթարկվել ամեն ինչ, ինչը ղեկավարների կարծիքով կարող է բարձրացնել վաճառքները:
A/B-թեստավորման ծառայություններ
Սպլիթ-թեստեր անցկացնելու համար մարկետոլոգները օգտագործում են հետևյալ ծառայությունները՝
Content Experiments,
Optimizely,
ABTest.ru,
RealRoi.ru,
Visual Website Optimizer,
Unbounce.
|
